Bakit ako sinisikmura? Kung ikaw ay may maasim at mahapdi na tiyan, maaaring ito ay dahil sa mataas na acid. Importante na ikaw ay uminom ng gamot at magpatingin sa doktor kung ito ay palaging nangyayari. Ang sinisikmura na tao ay madalas na may problema sa kanyang panunaw.
Ano ang Dahilan Nito?
Hyperacidity ang isa sa mga nangungunang dahilan ng masakit na sikmura na may hapdi. Ngunit may iba ring sakit na pwedeng kaparehas ng sintomas nito gaya ng ulcer o cancer. Importante na magpacheck up sa doktor kung kinakailangan.
Related: Gamot Para sa Hyperacidity
Mga Sintomas ng Sinisikmura
- Maasim na itaas ng sikmura
- Palaging dumidighay
- Pakiramdam na puno ang tiyan
- Puro hangin ang sikmura
- Madalas na pag utot
- Mahapdi na sikmura
- Parang nasusuka
Ano ang Dapat Iwasan na Pagkain
Umiwas muna sa mga pagkain na may caffeine gaya ng chocolate, kape, tea, softdrinks at iba pa. Umiwas din sa pagkain ng maaasim gaya ng suka.
May Gamot Ba Para Sa Sinisikmura
Maraming antacid ang pwedeng mabili sa botika. Siguraduhing ikaw ay may hyperacidity bago ito inumin. Ipasuri sa doktor kung ano ang iyong karamdaman bago uminom ng kahit anong gamot. May mga sakit na pareho ang sintomas sa hyperacidity na hindi dapat balewalain gaya ng mga sumusunod:
Ulcer
Stomach Cancer
Crohns Disease
Peptic Ulcer
Doktor Para Sa Sinisikmura ng Madalas
Kapag ang sintomas mo ay masyadong madalas mangyari, dapat itong ikonsulta sa doktor. Ang isang gastroenterologist ang pwedeng tumingin ng iyong karamdaman. May mga test na pwede niyang sabihin gaya ng endoscopy, colonoscopy, barium swallow at ultrasound depende sa iyong mnararamdaman.
Ano Pa Ang Dapat Bantayan
Kung ikaw ay nawawalan ng ganang kumain, gumaan ang timbang, laging nahihilo, nagsusuka o dumudumi ng dugo na maitim, magmadaling kumonsulta sa doktor.
Last updated on