Masakit ba kapag ikaw ay ngumunguya o ngumanganga? Ito ay maaaring may kinalaman sa joint sa iyong panga. Kung ito ay madalas mangyari, dapat mong suriin kung ito ay sanhi ng problema sa ngipin o sa buto ng panga.
Mga Karaniwang Sintomas
Ang mga karaniwang nararamdaman na masakit na panga ay pwedeng alinman sa mga sumusunod:
- Masakit kapag binubuka ang bunganga at bibig
- Hirap kumain dahil masakit ang panga
- Tumutunog sa gilid ng tainga (tenga)
- Masakit na pisngi, baba at bandang leeg
Ano Ang Posibleng Dahilan Nito?
Ang isa sa karaniwang sanhi ng masakit na bahaging ito ay TMJ o temporo mandibular syndrome. Ito ay ang pagkairita ng nerve o ugat na nakaipit sa joint ng panga at ulo. Makikita ito sa bandang tainga na malapit sa pisngi.
Ang isa pang dahilan ay posibleng may kinalaman sa isang impeksyon. Ito ay maaaring mangyari sa tenga, sa gilid ng ulo o kaya naman sa loob ng ngipin.
Ilan sa mga posibleng dulot nito ay:
- Lock jaw
- Masakit na gilid ng tainga at pisngi
- Problema sa pagnguya ng pa
- Hirap buksan ang bibig
Paano Ito Bibigyan ng Solusyon?
May mga dental treatment na pwedeng magkaroon ng mabisang solusyon para rito. Ang paggamit ng dental splint ay madalas na binibigay ng isang dentista.
Ito ay sinusuot sa loob ng 6 na buwan upang masanay ang muscles at buto sa ulo at panga. Pagkatapos nito ay maaari kang lagyan ng braces sa ngipin kasama ang massage at treatment.
Ano Pa Ang Ibang Sintomas?
May iba pang sintomas na pwedeng mangyari kapag may problema sa panga. Ito ay ang mga sumusunod:
- Nahihilo
- Masakit na leeg at balikat
- Namamanhid na pisngi
- Manhid na bibig, labi at dila
- Masakit na ulo isang side lang o bahagi
Ang mga nabanggit na ibang sintomas ay posibleng may kinalaman sa TMJ Syndrome. May mga dentista na gumagamot ng ganitong problema at pwede ka ring makakuha ng treatment package.
Ang madalas na presyo ng TMJ treatment at simula 50,000 pataas. Ito ay karaniwang matagal na gamutan at treatment na ginagawa sa loob ng anim na buwan.