Nahihirapan ka bang idilat ang iyong mata? Ito ay magiging sagabal sa iyong pang araw-araw na gawain. marapat na alamin kung ano ang dahilan nito.
Dahilan Bakit Hindi Maidilat Ang Mata
May ilang sanhi ng kahirapan sa pagdilat ng mata. Ito ay maaaring dahil sa foreign body o kaya naman ay infection. Sa ibang sanhi, maaaring may kinalaman ito sa isang sakit lalo na sa may kinalaman sa nerves.
Pagkakaroon ng inflammation o pamamaga
Infected na talukap ng mata sa taas at ibabang bahagi
Mga tumigas na muta
Naiwan na foreign body (puwing, alikabok, insekto)
Nerve diseases
Bells Palsy o kaya stroke
Paano Gamutin ang Hindi Makadilat
Ang unang solusyon ay alamin kung ano ang tunay na sanhi. Kung ang mga mata ay may namumuong muta pagkagising, madali lamang itong tanggalin at punasan. Huwag maglalagay ng kung anong gamot o substance nang walang rekomendasyon ng isang doktor.
Ang mga infection naman ay maaaring magdulot ng pamamaga ng mata, pamumula ng talukap, pagluluha o pagtutubig ng mata. Ito ay dapat ipatingin sa isang doktor.
Mga Sintomas
Hindi makadilat pagkagising
Hirap idilat ang mata sa kanan o kaliwa
Mahapdi kapag dumidilat
Namamaga ang talukap
May makati o tumutusok na bagay sa mata
Puwing na hindi naalis gaya ng alikabok o tinik
Doktor Para Sa Di Makadilat
Ang isang ophthalmologist ang pwedeng sumuri sa mga kondisyon ng mata. Maaari kang pumunta sa malapit na ospital para magpa check up.
References: AAO